კონფიდენციალურობის პოლიტიკა

ბოლო განახლება: 25 ოქტომბერი 2026

ეს პოლიტიკა აღწერს, რა პერსონალურ მონაცემებს აგროვებს ვებგვერდი eg.ge, რა მიზნით, ვის გადაეცემა ისინი და რა უფლებები გაქვთ. მონაცემებს ვამუშავებთ „პერსონალურ მონაცემთა დაცვის შესახებ“ საქართველოს კანონის შესაბამისად.

1. ვინ ამუშავებს მონაცემებს

• შპს ჯი ემ სი მოტორსი (GMC MOTORS), ს/კ 404447103
• იურიდიული მისამართი: თბილისი, თონეთის მოედანი N5
• ელ-ფოსტა: info@eg.ge
• ტელეფონი: +995 32 2422311, +995 577 44 02 20

პერსონალურ მონაცემებთან დაკავშირებული ნებისმიერი კითხვით ან მოთხოვნით მოგვწერეთ info@eg.ge-ზე.

2. რა მონაცემებს ვაგროვებთ

რეგისტრაციისა და შეკვეთისას:

• მყიდველის ტიპი (ფიზიკური / იურიდიული პირი);
• სახელი და გვარი;
• მობილური ტელეფონი და ელ-ფოსტა;
• პირადი ნომერი (არასავალდებულო);
• იურიდიული პირისთვის — კომპანიის დასახელება და საიდენტიფიკაციო კოდი (არასავალდებულო);
• ქალაქი / რაიონი და მისამართი (არასავალდებულო);
• შეკვეთის მონაცემები: პროდუქტები, რაოდენობა, ფასი, მიღების ხერხი (ფილიალი ან მიწოდება შეთანხმებით), შენიშვნა შეკვეთაზე;
• ანგარიშის პაროლი — ინახება მხოლოდ დაშიფრული (ჰეშირებული) სახით.

მოთხოვნის ფორმებით („ფასის მოთხოვნა“, „დარეკვის მოთხოვნა“, „შემატყობინე ჩამოსვლისას“, „ლიზინგი / განვადება“, „საბითუმო შეძენა“, „დაგვიკავშირდით“): სახელი, ტელეფონი და, ფორმის მიხედვით, ელ-ფოსტა, ფილიალი, კომპანია, რაოდენობა, შეტყობინება, პროდუქტი და გვერდი, საიდანაც ფორმა გაიგზავნა.

ტექნიკური მონაცემები: შეკვეთის ან ფორმის გაგზავნისას — IP მისამართი და ბრაუზერის მონაცემები (user agent), ბოროტად გამოყენებისა და სპამისგან დასაცავად; ასევე ქუქი-ფაილები (იხ. პუნქტი 7).

ბარათის მონაცემებს საიტი არ აგროვებს: გადახდა ამჟამად ხდება საბანკო გადარიცხვით.

3. რა მიზნით ვიყენებთ მონაცემებს

• შეკვეთის მიღება, ინვოისის მომზადება და გადახდის აღრიცხვა;
• თქვენთან დაკავშირება შეკვეთის, მიღების ან მიწოდების შესახებ;
• თქვენს მოთხოვნაზე პასუხი (ფასი, ზარი, ლიზინგი, მარაგის შეტყობინება და სხვა);
• ანგარიშის მომსახურება;
• საიტის დაცვა სპამისა და ბოროტად გამოყენებისგან;
• საიტის გამოყენების ანონიმური სტატისტიკა და გაუმჯობესება (Google Analytics);
• ბუღალტრული და კანონით დადგენილი ვალდებულებების შესრულება.

მონაცემებს ვამუშავებთ „პერსონალურ მონაცემთა დაცვის შესახებ“ საქართველოს კანონის მე-5 მუხლით დადგენილი საფუძვლებით:

• ხელშეკრულების დადება და შესრულება — რეგისტრაცია, ანგარიში, შეკვეთა, ინვოისი, გადახდა, მიღება და მიწოდება;
• თქვენი მოთხოვნის განხილვა — ფასის, ზარის, ლიზინგის, მარაგის შეტყობინების და სხვა ფორმებით გამოგზავნილი მოთხოვნები;
• კანონით დადგენილი ვალდებულება — ბუღალტრული აღრიცხვისა და საგადასახადო დოკუმენტების შენახვა, სახელმწიფო ორგანოების კანონიერი მოთხოვნები;
• კანონიერი ინტერესი — საიტისა და ფორმების დაცვა სპამისა და ბოროტად გამოყენებისგან, ტექნიკური ჟურნალები, სარეზერვო ასლები;
• თქვენი თანხმობა — სტატისტიკის (Google Analytics) ქუქი-ფაილები. თანხმობა ნებაყოფლობითია და მისი გამოხმობა ნებისმიერ დროს შეგიძლიათ (იხ. პუნქტი 7).

მონაცემებს არ ვყიდით და მარკეტინგული მიზნით მესამე პირებს არ გადავცემთ.

4. კომპანიის შიდა სისტემა (CRM)

შეკვეთისა და მოთხოვნის ფორმის მონაცემები ავტომატურად გადაეცემა კომპანიის შიდა აღრიცხვის სისტემას (CRM), სადაც მუშავდება შეკვეთები, ინვოისები და გადახდები. გადაეცემა: პუნქტი 2-ში ჩამოთვლილი მყიდველისა და შეკვეთის მონაცემები, ასევე IP მისამართი და ბრაუზერის მონაცემები. შეკვეთისა და მოთხოვნის ასლი ასევე ეგზავნება კომპანიის ელ-ფოსტას.

საიტის ტექნიკურ ჟურნალებში (log) ელ-ფოსტა, ტელეფონი და სხვა საიდენტიფიკაციო ნომრები ინახება დაფარული სახით.

5. ვის გადაეცემა მონაცემები

მონაცემებზე წვდომა აქვთ მხოლოდ კომპანიის იმ უფლებამოსილ თანამშრომლებს, რომლებსაც ისინი სამუშაო მოვალეობების შესასრულებლად სჭირდებათ, და მხოლოდ საჭირო მოცულობით. თანამშრომლები ვალდებულნი არიან, დაიცვან მონაცემების კონფიდენციალურობა.

ტექნიკური მომსახურების მიმწოდებლები, რომლებიც მონაცემებს ამუშავებენ ჩვენი დავალებით და მხოლოდ მომსახურების გასაწევად:

• ჰოსტინგი (საიტის სერვერი) — Cloud9 (cloud9.ge);
• ელ-ფოსტა — Microsoft 365;
• სპამისგან დაცვა — Cloudflare Turnstile;
• ვიზიტების სტატისტიკა — Google Analytics (Google);
• საიტის სარეზერვო ასლები — Google Drive (Google);
• შიდა აღრიცხვის სისტემა (CRM) — აპლიკაცია განთავსებულია Vercel-ის პლატფორმაზე, ხოლო მონაცემთა ბაზა — Supabase-ზე; ორივე ევროკავშირის რეგიონში (ფრანკფურტი, გერმანია);
• ინვოისის გადახდისას თქვენ თანხას გადარიცხავთ სს „საქართველოს ბანკში“ არსებულ ანგარიშზე.

მონაცემები შეიძლება გადაეცეს სახელმწიფო ორგანოებს, თუ ამას კანონი მოითხოვს.

CRM-ის მონაცემები ინახება ევროკავშირში (გერმანია). Google-ის, Microsoft-ისა და Cloudflare-ის სერვისების გამოყენებისას მონაცემები შეიძლება დამუშავდეს საქართველოს ფარგლებს გარეთ, მათ შორის ამერიკის შეერთებულ შტატებში. საზღვარგარეთ მონაცემების გადაცემა ხდება „პერსონალურ მონაცემთა დაცვის შესახებ“ საქართველოს კანონის 37-ე მუხლის მოთხოვნების დაცვით.

6. შენახვის ვადა

მონაცემებს ვინახავთ არა უმეტეს იმ ვადისა, რაც საჭიროა მათი დამუშავების მიზნისთვის ან რასაც კანონი მოითხოვს. ვადის გასვლის შემდეგ მონაცემები იშლება ან ისე იცვლება, რომ თქვენი იდენტიფიცირება აღარ იყოს შესაძლებელი.

• ინვოისები, გადახდები და შეკვეთის ბუღალტრული მონაცემები — 6 წელი იმ საანგარიშგებო წლის დასრულებიდან, რომელსაც ისინი ეკუთვნის (ბუღალტრული აღრიცხვისა და საგადასახადო კანონმდებლობის მოთხოვნა);
• ანგარიშის მონაცემები — ანგარიშის არსებობის განმავლობაში; ანგარიშის წაშლის მოთხოვნისას იშლება, გარდა იმ მონაცემებისა, რომელთა შენახვაც კანონით არის სავალდებულო. 3 წლის განმავლობაში აქტიურობის გარეშე დარჩენილი ანგარიში, შესაძლოა, წაიშალოს;
• დაუსრულებელი შეკვეთები — 30 დღე;
• მოთხოვნის ფორმები (ფასი, ზარი, ლიზინგი, საბითუმო შეძენა, „დაგვიკავშირდით“), თუ შეკვეთა არ გაფორმდა — 1 წელი;
• „შემატყობინე ჩამოსვლისას“ — შეტყობინების გაგზავნამდე, მაგრამ არა უმეტეს 1 წლისა;
• IP მისამართი, ბრაუზერის მონაცემები და ტექნიკური ჟურნალები — 6 თვე, თუ ისინი არ არის საჭირო კონკრეტული ინციდენტის შესასწავლად;
• Google Analytics-ის მონაცემები — 14 თვე;
• საიტის სარეზერვო ასლები — 90 დღე, როტაციით.

7. ქუქი-ფაილები

ქუქი-ფაილი არის მცირე ფაილი, რომელსაც საიტი ინახავს თქვენს ბრაუზერში.

აუცილებელი ქუქი-ფაილები (საიტის მუშაობისთვის):

• WooCommerce — კალათა და შეკვეთის სესია (მაგ. woocommerce_cart_hash, woocommerce_items_in_cart, wp_woocommerce_session_…);
• WordPress — ანგარიშში შესვლა (wordpress_logged_in_… და მსგავსი);
• LiteSpeed Cache — გვერდის სწორი ვერსიის ჩვენება ქეშიდან (მაგ. _lscache_vary).

დაცვა: Cloudflare Turnstile ამოწმებს, რომ შესვლის, რეგისტრაციისა და ფორმების გამომგზავნი ადამიანია და არა ავტომატური პროგრამა.

სტატისტიკა: Google Analytics (_ga, _ga_…) — ვიზიტების რაოდენობა, ნანახი გვერდები, მოწყობილობის ტიპი და მსგავსი აგრეგირებული სტატისტიკა. ანგარიშში შესული (ავტორიზებული) მომხმარებლების ვიზიტები სტატისტიკაში არ აღირიცხება.

თანხმობის ქუქი-ფაილი: ინახავს თქვენს არჩევანს ქუქი-ფაილების ბანერში, რომ ის ყოველ ვიზიტზე ხელახლა არ გამოჩნდეს.

თანხმობა. საიტზე პირველი ვიზიტისას გამოჩნდება ქუქი-ფაილების ბანერი. აუცილებელი და დაცვის ქუქი-ფაილები საიტის მუშაობისთვის არის საჭირო და თანხმობას არ საჭიროებს. სტატისტიკის (Google Analytics) ქუქი-ფაილები ინახება მხოლოდ მას შემდეგ, რაც ამაზე თანხმობას განაცხადებთ. თუ უარს იტყვით, საიტი სრულად იმუშავებს.

თქვენი არჩევანის შეცვლა ან თანხმობის გამოხმობა ნებისმიერ დროს შეგიძლიათ საიტზე არსებული ბმულით „ქუქი-ფაილების პარამეტრები“. ქუქი-ფაილების წაშლა ან დაბლოკვა შეგიძლიათ ბრაუზერის პარამეტრებიდანაც. აუცილებელი ქუქი-ფაილების დაბლოკვისას კალათა და ანგარიში შეიძლება არ იმუშაოს.

8. უსაფრთხოება

• საიტი მუშაობს დაცული კავშირით (HTTPS);
• პაროლები ინახება ჰეშირებული სახით;
• შესვლისა და რეგისტრაციის ფორმები დაცულია ავტომატური შეტევებისგან;
• ტექნიკურ ჟურნალებში პერსონალური მონაცემები დაფარულია.

9. თქვენი უფლებები

კანონის შესაბამისად, შეგიძლიათ მოითხოვოთ:

• ინფორმაცია, რა მონაცემებს ვამუშავებთ თქვენ შესახებ, და მათი ასლი;
• არასწორი ან არასრული მონაცემების გასწორება;
• მონაცემების წაშლა ან დამუშავების შეწყვეტა, თუ მათი შენახვა კანონით არ არის სავალდებულო;
• მონაცემების დაბლოკვა;
• თქვენ მიერ მოწოდებული მონაცემების მიღება სტრუქტურირებული, მანქანურად წაკითხვადი ფორმატით ან მათი სხვა ორგანიზაციისთვის გადაცემა, თუ ეს ტექნიკურად შესაძლებელია;
• თანხმობის გამოხმობა, თუ დამუშავება თანხმობას ეფუძნება.

ანგარიშის მონაცემების ნაწილს თავად ცვლით „ჩემი ანგარიში“ გვერდზე. სხვა მოთხოვნისთვის მოგვწერეთ info@eg.ge-ზე ან დაგვირეკეთ +995 32 2422311.

მოთხოვნას ვპასუხობთ მისი მიღებიდან არაუგვიანეს 10 სამუშაო დღისა. ინფორმაციის ან მონაცემების ასლის მოთხოვნისას, განსაკუთრებულ შემთხვევაში და დასაბუთებით, ეს ვადა შეიძლება გაგრძელდეს არა უმეტეს 10 სამუშაო დღით, რის შესახებაც დაუყოვნებლივ გაცნობებთ.

თუ მიგაჩნიათ, რომ თქვენი უფლებები დაირღვა, შეგიძლიათ მიმართოთ სახელმწიფო აუდიტის სამსახურს ან სასამართლოს.

10. პოლიტიკის ცვლილება

ამ პოლიტიკის განახლებისას ახალი ვერსია ქვეყნდება ამავე გვერდზე, განახლების თარიღით.

11. კონტაქტი

• ელ-ფოსტა: info@eg.ge
• ოფისი: +995 32 2422311
• მობილური: +995 577 44 02 20